Por Gc Tendencias | Lugo | 18/06/2015 | Actualizada ás 19:19
O Arde Lvcvs 2015 está listo. Castrexos e romanos volverán tomar, un ano máis, as rúas de Lugo nunha festa que agarda a milleiros de visitantes de toda Galicia e do resto do Estado. Durante toda a fin de semana terán lugar 260 actividades que contarán cun reforzo das distintas forzas e corpos de seguridade -Policía Nacional, Autonómica e Local-, os bombeiros e o servizo de Protección Civil.
Os interesados en visitar Lugo terán, ademais, descontos que ofrecen tanto Alsa como Arriva ou Renfe. Os que viaxen en coche particular teñen estacionamentos habilitados, tanto dentro como fora da cidade, para evitar o embotellamento da circulación.
A concelleira Carmen Basadre informou este xoves de que, “tanto o persoal responsable dos servizos eléctricos do Concello, como os de auga, mantiveron reunións coas diversas asociacións de recreación histórica da cidade para que non existan problemas nos campamentos e saiban empregar axeitadamente as medidas de protección”.
A concelleira falou dos preparativos e o operativo de seguridade do Arde Lvcvs durante a rolda de prensa posterior á primeira Xunta de Goberno Local provisional, que precisamente, ademais da constitución do propio órgano, aprobou a autorización para que o persoal de Conserxería realice servizos extraordinarios durante o festexo, ante a necesidade de ampliar os horarios de apertura ao público do centro social Uxío Novoneyra e a casa consistorial.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.