Angrois, cando se fará xustiza?

O erro humano é algo que incuestionablemente debería de estar previsto nunha infraestrutura como a da AVE, e por cuestións políticas e económicas, non se consideraron as máximas normas de seguridade para evitar un posible erro humano

 

Cada día que pasa estou mais de acordo coa liña que defende o meu amigo José Ángel Roca, Enxeñeiro Tecnico de Obras Públicas, experto en temas ferroviarios, aquí existe unha grave neglixencia política, e segundo denunciou no seu día Xuntos, debería de ser do Ministro do momento, José Blanco.

 

Por un aforro económico e debido a intereses políticos, non se instalou o sistema de seguridade ERTMS, e se deixo este tramo de liña co sistema menos seguro e deseñado para trens convencionais, o sistema ASFA. Pero non só aconteceu isto, é que tampouco se instalaron as balizas de transición entre o ERTMS e o ASFA, co que se deixo todo nas mans do erro humano

 

Días máis tarde do accidente se instalaron esas balizas, acaso non é un recoñecemento expreso da responsabilidade de "alguén" que esta por enriba do maquinista?

 

Pepe Blanco inaugurou esta infraestrutura anunciándoa como un tramo AVE, o cal é mentira, polo que se o ministro manifestou que era un tramo AVE, debería de ter os informes enriba da mesa que garantisen a seguridade dos pasaxeiros co sistema ERTMS, porque non se lle investiga?....estamos nun país de pandeireta, por mais que nos queiran vender a nosa modernidade, méntennos, a modernidade dun país constátase pola responsabilidade dos seus dirixentes, mentres os que están arriba sexan uns corruptos, trepas, e irresponsables non poderemos considerarnos un país moderno

 

Cando se imputará aos verdadeiros responsables da traxedia?. Mentres isto non aconteza e se manteña a impunidade destes dirixentes estaremos expostos a que isto volva acontecer e todos somos posibles vítimas das neglixencias destes irresponsables