Investigado un veciño de Pontevedra por tráfico de tallas de marfil de elefantes, orcas e hipopótamos
A Garda Civil de Ourense tomou declaración en calidade de investigado.
Por Europa Press / Redacción | PONTEVEDRA | 08/01/2024 | Actualizada ás 12:03
A Garda Civil de Ourense tomou declaración en calidade de investigado a un veciño de Pontevedra como presunto autor dun delito contra a fauna por tráfico de tallas de marfil.
Un informe pericial do Ministerio de Transición Ecolóxica conclúe que as tallas intervidas son de elefante, cachalote, orca e hipopótamo, animais incluídos no convenio Cites e que teñen un grao de protección "estritamente protexido" e requiren documentación expedida polos organismos competentes que acrediten a súa orixe legal.
Segundo informa a Garda Civil nun comunicado, nesta operación, chamada 'Cinquecento', incautáronse 66 pezas de marfil suxeitas á regulación do convenio Cites e carecer de documentación que acredite a súa legal tenencia.
A Garda Civil iniciou a investigación en setembro de 2022 tras localizar nun domicilio de Pontevedra varias tallas, das que se non se acreditaba a procedencia. O valor económico destas pezas está taxado en 32.000 euros.
