Por Galicia Confidencial | Vigo | 26/11/2015 | Actualizada ás 11:28
"Clariña como a auga, nada de nada de nada". Con esta contundencia se referiu este xoves o alcalde de Vigo, Abel Caballero, sobre a súa implicación na percepción de supostos regalos que tería recibido dunha empresa contratada polo concello.
Tras a súa declaración como imputado na Operación Patos, insistiu que que non falou na súa vida con Enrique Alonso Pais, presunto xefe desta suposta trama de presuntas irregularidades en contratacións públicas, e negou que recibise agasallos.
"O outro -por un reloxo- non o recibín nunca, como todo o mundo sabe. E iso é unha obviedad que aquí non hai nada de nada de nada", insistiu. Ademais, destacou que a propia Unidade de Delincuencia Económica e Fiscal (Udef) recoñece que que un dos agasallos "non se puido producir" porque a empresa devolveuno ao establecemento onde o comprou, en alusión a unha pluma estilográfica.
Consultado pola prensa por se contestou ás preguntas da acusación particular, ao estar personados Marea e Xuntos, referiuse Abel Caballero unicamente aos primeiros e, con ironía, contestou: "Aos avogados dun partido que non tivo a decencia de votar e apoiar que lle poñamos unha rúa a unha policía que deixou a súa vida pola cidade?, a un partido indecente que non apoiou iso, voulle a contestar o seu avogado?, vostedes de que falan?", concluíu.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.