O persoal laboral da Xunta sae á rúa para recuperar o seu poder adquisitivo

CIG-Autonómica di que perderon un 30% de poder adquisitivo desde o ano 2008.

Por Galicia Confidencial | Coompostela | 26/11/2015 | Actualizada ás 12:37

Comparte esta noticia

Un cento de traballadores da Xunta manifestouse este xoves en Santiago para esixir a recuperación do poder adquisitivo perdido logo de conxelacións salariais e recurtes de pagas e dos "dereitos cernados" durante a crise. Un poder aquisitivo que CIG-Autonómica cifra nun 30% menos desde o 2008.

Concentración de funcionarios en San Caetano
Concentración de funcionarios en San Caetano

 

"Agora que a recuperación económica é certa como di a Xunta é hora de recuperar os nosos dereitos", apuntou Rodolfo Docampo, do comité intercentros do persoal laboral da Xunta, en declaracións aos medios.

 

O persoal laboral concentrouse diante da Cámara galega. Unha das súas reivindicacións fundamentais é a derrogación da lei de 2012 que supuxo, segundo critican, restricións en canto aos dous días continuados de descanso, compensacións por domingos e festivos e o fondo de acción social. "Amparándose na crise", apuntou.

 

Representantes destes empregados públicos --un total duns 9.000 na comunidade-- reuníronse o pasado día 19 con responsables dos grupos parlamentarios na Cámara autonómica para que presenten iniciativas na Cámara sobre a súa situación.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta