A división do voto da esquerda

As mareas piden o voto para En Marea, Nova Esquerda Socialista Galega para Nós e Cerna e CxG para as dúas listas.

Por Galicia Confidencial | Ourense | 01/12/2015 | Actualizada ás 10:30

A imposibilidade de que se teña acadado unha única lista de unidade popular para as eleccións do 20D ten feito que os distintos grupos políticos da esquerda teñan que dividir o voto ou pedilo para outras candidaturas. Compromiso por Galicia e Cerna deixan liberdade de decisión aos seus militantes para votar por En Marea ou Nós Candidatura Galega, as distintas mareas cidadáns de Pontevedra, Vigo, Ourense, Santiago, A Coruña ou Ferrol apostan por En Marea, mentres que Nova Esquerda Socialista Galega divide o voto en dous.

Esta pequena formación só se presenta en Ourense baixo a denominación de “Pola Esquerda”. Dita candidatura está composta por Nova Esquerda Socialista e un sector de Podemos que recentemente abandonou esta organización. O seu primeiro candidato a deputado por esta provincia é o avogado Eladio Medel Iglesias. “A lista tanto a deputados como a senadores ten un carácter plural e representativo desde a perspectiva da esquerda. Nesta candidatura están representados distintos sectores da sociedade desde traballadores, profesionais e ata pequenos empresarios”, apunta nun comunicado.

Así, suliña que as súas propostas centrais para Ourense están relacionadas “coa loita contra a corrupción e o caciquismo que goberna esta provincia desde o franquismo”. Tamén na xeración de emprego, impulsando o desenvolvemento agroindustrial desta provincia e o turismo sustentable.: Termalismo, deportes de montaña etc.

Sen embargo, nas tres restantes provincias onde non se presentan apoian á lista de Nós ao entender que “é o mellor que pode defender os dereitos sociais e nacionais de Galicia”. Critican, ademais, a En Marea por, din, “demostrar prácticas antidemocráticas moi semellantes aos partidos do sistema”.

2 Birloque

O Pablo Iglesias a apoiar o referendo na Catalunha situa-se de facto mais alá da política do BNG. O BNG nunca obrigou o PSOE a uma tomada de posição sobre isso nem lho exige para gobernar com ele. Apenas ergue a bandeira estrelada para exigir aos partidos da esquerda e aos ex-BNG condições de apresentação numas eleições. Muitos nacionalistas votarám na En Marea porque Podemos fala a sério dum referendo vinculante na Catalunha e trata a Galiza como a nação que é. Não tenho simpatia por Podemos nem madrilenhadas, mas "tarde piou" o BNG com soberanismo e ademais o PSOE está como se viu ontem no debate de El Pais claramente alinhado com o PP contra o reconhecimento das nações sem Estado. Enquanto o BNG não ressolver esta contradição entre discurso e prática o seu nacionalismo não é maior do que os anúncios de Gadis. En Marea está à esquerda do sentimento nacional na prática ainda que lhes proa a vários partidos integrantes da coligação.