A morte paseniña de Galicia: seguen morrendo máis persoas das que nacen
Rexistra 5.599 defuncións máis que nacementos no primeiro trimestre.
Por Europa Press / Redacción | SANTIAGO DE COMPOSTELA | 27/09/2024 | Actualizada ás 11:26
Galicia rexistrou 8.911 defuncións no primeiro trimestre de 2024, que son un 3,8% menos en relación co mesmo período do ano anterior. Mentres, os nacementos caeron un 0,27%, ata 3.312, co que o saldo vexetativo foi negativo en 5.599 persoas.
Segundo os datos que publica este venres o Instituto Galego de Estatística (IGE), as mortes correspondéronse con 4.272 homes e 4.639 mulleres. Pola súa banda, naceron 1.730 homes e 1.582 mulleres.
Os matrimonios situáronse en 1.290 no período, deles 1.242 entre persoas de diferente sexo e 48 do mesmo sexo. Son un 0,23% máis que no primeiro trimestre de 2023.
O IGE tamén publica este venres os datos provisionais a peche de 2023. Respecto diso, o número de falecementos foi de 32.688, 2.308 menos que en 2022. O dato de nacementos continúa o descenso iniciado en 2009 e sitúase en 13.975.
SÓ TRES CONCELLOS
Así as cousas, o saldo vexetativo pasou de -20.501 en 2022 a -18.713 en 2023 e xa hai máis de 30 anos que a comunidade non presenta un positivo.
En 2023, só tres dos 313 concellos presenta un saldo vexetativo positivo e as sete grandes cidades rexístrano en negativo.
