Deputación e Cámaras de Pontevedra cooperan en asesorar a pemes e autónomos
A idea é potenciar e converter o centro nun punto de partida para pór en marcha actuacións "que inflúan en mellorar a provincia".
Por GC Emprende | Vigo | 13/01/2016 | Actualizada ás 18:12
A Deputación de Pontevedra e o catro Cámaras de Comercio da provincia (Vigo, Pontevedra, Vilagarcía e Tui) cooperarán na mellora do funcionamento do Centro Provincial de Asesoramento Empresarial (CPAE) que a institución pon a disposición de pemes e autónomos.
Este centro dispón de seis puntos de atención a empresarios e emprendedores en Lalín, Cambados, Pontevedra, Vigo, Porriño e Ponteareas, atendidos por asesores cualificados, onde se prestará un servizo de información e asesoramento sobre o TIC e as novas tecnoloxías.
A presidenta do ente provincial, Carmela Silva, sinalou en rolda de prensa que a idea é potenciar e converter o centro nun punto de partida para pór en marcha actuacións "que inflúan en mellorar a provincia".
Silva detallou que a Deputación centrará os seus esforzos nos 64.000 autónomos e pemes, que supoñen o 92% do tecido empresarial da provincia.
No marco deste proxecto o manager dixital de Hijos de Rivera, Francesc Pumarola, manterá o próximo día 20 un almorzo de traballo no Pazo Provincial para fomentar entre pemes e autónomos as redes sociais como canle de venda.
