Por Galicia Confidencial | Santiago | 14/01/2016 | Actualizada ás 16:38
Un novo colectivo cultural, a Asociación de Estudos Galegos (AEG) vai realizar o seu acto público de presentación na Igrexa de Sam Domingos de Bonaval, en Compostela, este sábado, día 16 de xaneiro, ás 12 horas do mediodía.
Os organizadores explican que o motivo deste acto é presentar publicamente "o início do processo pré-assemblear para a fundaçom de umha nova entidade nacional, de caráter cívico-cultural, que terá como objetivo fundamental estabelecer e regular, atraveś do seu órgao académico, o padrom lingüístico galego, com critério reintegracionista, perspetiva nacional e em pé de igualdade com os restantes países de língua galego-portuguesa".
Alén de traballar na regularización da nosa lingua a nivel académico, científico e social, a Associaçom de Estudos Galegos (AEG) atenderá a outros aspetos do proceso normalizador dos usos sociais do galego, con unha aposta pola " plena soberania nacional e lingüística do nosso povo" ao servizo da "construçom nacional da Galiza numha perspetiva lingüístico-cultural, entendida nun sentido amplo e nom partidarista".
O colectivo fai un chamamento a colaborar con outros grupos que compartan os seus obxexctivos, en particular con aqueles que coinciden con eles "na orientaçom inequivocamente reintegracionista".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.