Adif investirá máis de 11 millóns para a seguridade de 43 túneles da alta velocidade a Galicia
A xestión integral destes elementos, claves para a seguridade dos viaxeiros e a infraestrutura, realizarase en 43 túneles
Por Europa Press / Redacción | SANTIAGO DE COMPOSTELA | 08/11/2024 | Actualizada ás 13:38
Adif destinará 11,3 millóns de euros á xestión integral das instalacións de protección civil para mellorar a seguridade nos túneles do tramo Zamora-Pedralba-Taboadela, dentro da liña de alta velocidade Madrid-Galicia.
A xestión integral destes elementos, claves para a seguridade dos viaxeiros e a infraestrutura, realizarase en 43 túneles (15 monotubo e 14 bitubo, cun tubo para cada vía) e comprenderá diferentes ámbitos.
Entre outras cuestións, as actuaciónes encargaranse de iluminación en túneles, galerías de evacuación, zonas seguras de rescate, centros de transformación e salas técnicas, así como sistemas de extinción de incendios e sinalización.
Cunha duración de 48 meses, prorrogables 12 máis, o contrato comprende tamén labores de limpeza e mantemento das instalacións. O contrato foi adxudicado á UTE formada por SICE e Syneox Rail.
