Unha canción para ENCE inspirada en ‘O Padriño’, dos Poetarras

Os Poetarras, o grupo máis irreverente do panorama galego, volven á carga. Desta vez, cun tema dedicado á empresa papeleira ENCE, ubicada na ría de Pontevedra e envolta de novo na polémica tras a decisión do Goberno central en funcións de renovarlle a prórroga por 60 anos máis, decisión que mobilizou a miles de pontevedreses.

"Love theme from ENCE" é o novo tema dos Poetarras, unha adaptación de "Love Theme from the Godfather" (melodía orixinal de Nino Rota con versión vocal interpretada por Andy Williams) a cargo de Manuel Gago, Rubén Lino e Daniel Vilaverde. O vídeo foi realizado por Pablo Lamosa. As alusións a 'O Padriño' e, polo tanto, á mafia, son máis que evidentes.

O vídeo foi gravado dentro dun vehículo, fronte á empresa papeleira.

Letra:
Estou sentindo o seu perfume embriagador 
coa forza dun olfato de mariscador 
esta mañá non me duchei 
pero esa nube disimula o meu olor 
o medio ambiente respira mellor 
aforro en auga e en desodor 

...ante. É que senón non rimaba. Desodor-ante.

A xente sempre cae na esaxeración 
é falso que provoque contaminación 
a quen vas crer? á poboación? 
ou aos do seu Consello de Administración 

Pois mira, por aquí pódense plantar uns alcolitos porque total non hai moitos por Galicia, non? E logo aproveitas e véndeslle a madeira e págancha moi ben porque creo que a pagan a 30 euros a tonelada que é un prezo magnífico e de paso pois contribúes á reforestación dos nosos bosques.

Non agradecen a decisión
de prorrogar a concesión

Sesenta anos ata nova solución
quizais aínda nos gobernen en funcións
dende Madrit fan un favor
cargando eles con la fiscalización