Por Galicia Confidencial | Mos | 03/02/2016 | Actualizada ás 11:40
Todo o que xira en torno a industria da automoción en Galicia ten sempre un plus por parte da Administración pública. A presenza de PSA-Citröen en Vigo é un aliciente importante para impulsar un sector que depende case, exclusivamente, desta multinacional francesa. Por iso, a Xunta acaba de anunciar que case que regala terreos para empresas vinculadas a este sector.
Así, a conselleira de Infraestruturas, Ethel Vázquez, avanzou este luns que as empresas da automoción poderán acceder por un canon simbólico anual a 25 parcelas de 166.000 metros cadrados de chan industrial no parque empresarial da Veigadaña, en Mos.
Este parque empresarial ofrece 25 parcelas, ás que se poderá acceder de forma gratuíta o primeiro ano e a un prezo de pouco máis de dous euros por metro cadrado a partir do segundo.
Ademais dos empresarios da automoción, poden acceder ao chan nestas condicións os empresarios con proxectos que xeren certos niveis de investimentos ou que supoñan unha creación de emprego relevante.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.