O RODILLO DO PP: QUEN SERÁ O SEGUINTE?

Miguel Paz é unha desas persoas que non só visitou a acampada do Cerco en múltiples ocasións senón que defendeu ao sector con contundencia en presencia do Sr. Presidente da Xunta e sempre dixo publicamente que o seguiría facendo ata que se conseguise un reparto xusto.  E o dicía coa mesma contundencia e belixerancia coa que se opuxo á Lei de Acuicultura en distintos foros, dende a súa perspectiva de que todos os sectores de pesca artesanal e de marisqueo estaban ameazados con este proxecto.

Nunhas das súas visitas ao campamento, contestaba  o Sr. Paz  a miña pregunta sobre como afectaría o Plan de Acuicultura á Ria de Noia  e ao Marisqueo, e ademais de denunciar que se trataba dunha imposición sen ter en conta aos traballadores do mar,  dicía estar moi preocupado cun tema fundamental do saneamento das augas da ría e insistía en que este plan ía precisar de moita unidade de todo o sector para enfrontar un proxecto que empobrecería ao sector do mar como nunca. Falábame tamén Miguel Paz da súa intención de tratar de que a UNESCO declarase a Ria de Noia "Patrimonio da Humanidade".

(Chama a atención que o Sr. Freire , deputado provincial no Parlamento de Galicia, participante na Comisión Parlamentar de Medio ambiente votase en contra dunha proposta para Control de Augas e Saneamento das Rias porque dicía que xa se estaba facendo todo o que se tiña que facer... agora parece ter outra visión do asunto... igual que do da Lei de Acuicultura da que, polo que me contan era defensor... )

Os alcaldes da costa, en especial algúns, non se quedaron no mero protocolo de facer resolucións e comunicados a favor do cerco e do futuro do sector de baixura,  senón que están dispostos a ir mais alá, ata onde faga falta para frear esta demoledora imposición de privatización do mar, e protexer o futuro da flota artesanal galega. Molestan? Claro que molestan; molestan e moito porque cada declaración ou acción que fagan vai ter repercusión. Noia era o único bastión do Barbanza que non dominaba o Partido Popular, e visto dende fora, Miguel Paz  parece ser unha das primeiras vítimas do “rodillo” do PP na súa imposición da Lei de Acuicultura... quen será o seguinte?

#Acuicultura #OCerco #Galicia