A aposta de Equo pola Marea Galega é unha Onda Verde
O partido ecoloxista volve apostar pola confluencia de cara as eleccións autonómicas deste ano. Agora ben, os ecoloxistas fixan as súas condicións.
Por Galicia Confidencial | A Coruña | 10/02/2016 | Actualizada ás 13:37
Así consideran irrenunciables para unha "Marea Galega" cuestións como as primarias abertas á cidadanía e a democracia participativa en todos os niveis do proceso.
A nivel programático, o partido presenta un manifesto, titulado Onda Verde, co que busca “aglutinar a persoas e axentes do movemento verde en Galicia”. Ese texto busca artellar dentro da Marea Galega unha corrente que defenda os valores de “Ecoloxía Política, Sustentabilidade, Democracia Participativa, Equidade Social e a loita polo Ben Común”.
O partido, que ten por covoceiros a Silvia Pinal e Néstor Vázquez, vai comezar a presentar esta estatexia a partidos políticos, organizacións, actores e toda persoa interesada neste proxecto de carácter integrador”.
Cómpre lembrar que Equo é un dos catros socios de Alternativa Galega de Esquerdas no Parlamento de Galicia; canda EU, ANOVA e Espazo. A nivel local, apoiou a numerosas mareas, como, entre outras, Ourense en Común, Compostela Aberta, Betanzos Novos e Marea Atlántica na Coruña.
