Descende o impago no comercio galego

O importe dos efectos impagados ao comercio descendeu en decembro en Galicia nun 20,26% con respecto ao mesmo mes do ano anterior. Unhas cifras que a sitúa a cabeza do Estado en canto a reducción.

O descenso de impagos ao comercio foi espectacular en Castela e León (24,1%) e baixou noutras doce autonomías, mentres que subiu no resto, sobre todo,en Cantabria (48,5%) e Baleares (37,5%).

Ademais dos descensos de Castela e León e Galicia, foron notables os de Estremadura (17,7%), Canarias (15,6%), Madrid (14,3%) e Cataluña (13,3%). Tamén baixou na Comunidade Valenciana (9,8%), A Rioxa (8,2%), Asturias (7,1%), Murcia (6,5%), País Vasco (5,2%) e Aragón (0,1%).

Cataluña e Madrid concentran preto da metade do total do importe dos efectos de comercio impagados en decembro (44,4%).

Segundo a Estatística de Efectos de Comercio Impagados, o importe dos efectos de comercio impagados ascendeu en decembro a 242 millóns de euros, un 9,4 por cento menos que no mesmo mes do ano anterior.