Alerta por choiva en varias provincias galegas
A Dirección Xeral de Protección Civil e Emerxencias do Ministerio do Interior, de acordo coas predicións da Axencia Estatal de Meteoroloxía (AEMET), avisa por choivas intensas en Galicia.
Por Galicia Confidencial | Santiago | 11/02/2016 | Actualizada ás 15:54
As precipitacións poderían ser especialmente intensas na provincia de Pontevedra, onde poderían acumularse ata 80 litros en 12 horas. Ao longo da madrugada, as choivas iranse estendendo a outras zonas do norte peninsular.
De feito, Meteogalicia ten previsto alerta amarela en toda a provincia de Pontevedra, no Suroeste de Ourense e no Oeste da Coruña na noite do venres por acumulación de chuvias en 12 horas.. O temporal seguirá o sábado, con alertas laranxas por vento na costa.
Recomendacións ante choivas intensas
• Se vai conducindo, diminúa a velocidade, extreme as precaucións e non se deteña en zonas onde poida discorrer gran cantidade de auga.
• Se ten que viaxar, procure circular preferentemente por estradas principais e autoestradas.
• En caso de tormentas súbitas e choivas intensas, débese ter en conta o lugar onde se aparcan os vehículos. O rápido ascenso do nivel das augas pode danar os vehículos aparcados sobre zonas inundables e, ademais, arrastralos, provocando danos a bens alleos e mesmo obstaculizar o fluxo natural da corrente.
• Se comeza a chover de maneira torrencial, pense que existe risco de inundación. Non atravese co seu vehículo nin a pé, os tramos alagados, porque descoñece o que pode haber debaixo da auga e localice os puntos máis altos da zona. Non tente salvar o seu automóbil no medio dunha inundación.
• Se se atopa no campo, hai que afastarse dos ríos, torrentes e zonas baixas de ladeiras e outeiros, evitando atravesar vaos alagados. Igualmente, debe dirixirse aos puntos máis altos da zona
