Prisión provisional para o acusado de matar cunha arma branca a un mozo en Ourense o pasado venres

O maxistrado do Xulgado de Instrución número 1 de Ourense decretou o ingreso en prisión provisional, comunicada e sen fianza, para o home acusado de matar a un mozo cunha arma branca na cidade das Burgas. Segundo informou o Tribunal Superior de Xustiza de Galicia (TSXG) o home, que pasou a disposición xudicial este domingo, está investigado por un delito de homicidio.

O suceso produciuse sobre as 02.00 horas do venres na rúa Pizarro cando o detido sacou unha arma branca e cravoulla á vítima, un mozo de 21 anos. Ata o punto desprazáronse os profesionais sanitarios que tentaron salvar a vida ao novo, que faleceu antes de chegar ao hospital.

Sede do TSXG | Fonte: Xunta - Arquivo