Cancela di que Besteiro non actuará "para debilitar" ao PSdeG a pesar de ser o "mellor candidato"

O futuro político do secretario xeral do PSdeG, José Ramón Besteiro, segue estando no aire. A pesar da súa intención de ser o candidato socialista ás autonómicas galegas, o certo é que a súa actual situación xudicial non xoga ao seu favor.

Por iso, a secretaria de Organización e número dous do PSdeG, Pilar Cancela, saíu na súa defensa e suliñou que é o "mellor candidato" que en este partido. Sen embargo, tamén recoñeceu que "nunca imporá unha situación que debilite ao partido", en alusión a súa imputación no chamado caso Garaón.

Nunha entrevista na Cadena Ser, Cancela destacou que non é "cuestionable" que Besteiro é "o mellor candidato", como tampouco o é "a súa actitude e a súa responsabilidade". "Os valores que el manexa e exerce no seu día a día van confluír na mellor solución", destacou.

En todo caso, tamén afirmou que a súa situación xudicial "non é unha casualidade" e pediulle "celeridade" á xuíza De Lara ao entender que "os xulgados tampouco poden condicionar a vida política".

"É unha persoa dunha incrible talla política e persoal", dixo de Besteiro. "Por iso toca defendelo e apostar por el como o mellor candidato que existe, porque é así", engadiu.

Do que xa non quixo falar Cancela é de se a dirección ten alternativa a Besteiro se este non se presenta. "Non son meiga", indicou ao descartarse ela para ese posto. "Eu xa estou tremendamente orgullosa de representar ao partido no Congreso", apuntou.