En Marea, lista para a negociar co PSOE cando fracase a investidura

A portavoz de En Marea no Congreso sinalou nunha entrevista en Radio Galicia que “quen ten máis complicado explicar que realmente quere un cambio político para Galicia é o PSdG porque acaba de pactar con Cidadáns que non ten programa para Galicia e que na campaña das xerais dixo que non o darían a coñecer ata despois das eleccións, o que é escandaloso”.

Tras coñecerse o pacto entre Pedro Sánchez e Albert Rivera, a deputada recoñeceu que “quedamos un pouco decepcionados pero tamén temos claro que a investidura vai ser fallida e que seguiremos coa man tendida para seguir falando e que o PSOE repense a súa estratexia e que papel vai xogar nos próximos anos como partido político”.

Fernández engadiu que unhas hipotéticas novas conversas cos socialistas deben abordar temas de ámbeto galego como o impulso dos sectores produtivos galegos e un plan de reindustrialización; ademais de cuestións como a rexeneración democrática. Ao igual que os líderes de Podemos, a voceira de En Marea -cos que comparte grupo parlamentar- cre que a única garantía de que o PSOE cumpra as súas promesas é colaborar nun Executivo común.

De cara as eleccións autonómicas, a política, militante de ANOVA,  aposta abertamente por reeditar a coalición porque é unha “suma que multiplica”. Para dotar de estrutura concreta a un pacto Fernández propón regular espazos rendición de contas dos deputados e representantes institucionais.

escandaloso?.

Sobre o Bloque, a deputada di que En Marea mantén a porta aberta ao BNG.