Marcha polo dereitos das mulleres en Compostela

"Feminismo para avanzar, xuntas na mesma loita". Con ese lema, centos de persoas participaron en Compostela nunha manifestación para conmemorar o Día Internacional das Mulleres e defender os dereitos e liberdades das mullerees

"Uns dereitos que minguaron considerablemente estes últimos anos polas políticas do PP", denunciaron os convocantes da marcha, que rematou na Praza da Quintana coa lectura dun manifesto.

Nel, as feministas rexeitaron "un modelo heteropatriarcal de muller única, privada e doméstica, así como a invisibilidade e explotación do traballo reprodutivo e dos coidados". Tamén reclaman unha organización política, social e económica que poña no centro ás persoas, cunha "reorganización social dos coidados".

Os participantes defenderon o "exercicio dunha sexualidade libre e diversa" e unha educación afectivo-sexual "non determinista, non bioloxicista e igualitaria que garanta o libre desenvolvemento das identidades de mulleres lesbianas, bisexuais e transexuais".