Por Galicia Confidencial | Pontevedra | 15/03/2016 | Actualizada ás 12:47
O Bloque empezou a semana pasada a presentar en municipios de todo o país esta proposta. Fíxoo, por exemplo, que trascendera publicamente, tamén na Coruña e Lugo. Os nacionalistas queren denunciar así o plan da Unión Europea e Turquía. Bruxelas teima en expulsar masivamente aos emigrantes que están a entrar na Unión Europea fuxindo de guerras -especialmente a de Siria- e que, polo tanto, teñen dereito a solicitar asilo político.
O goberno de Fernández Lores (BNG) en Pontevedra anunciou este martes que retirará a bandeira da UE de todos os edificios municipais. O PSOE local criticou a iniciativa. "O que fará mañá Lores é tan estúpido como arriar a bandeira galega cada vez que non esteamos de acordo con algunha medida posta en marcha pola Xunta ou polo Parlamento galego", responderon os socialistas. É máis, o voceiro local Agustín Fernández cualificou a medida como propia dun nacionalismo “rancio e eurófobo”.
Polo de agora non se ten noticia que ningún outro municipio dos que goberna o Bloque secundase esta proposta. O uso da bandeira da UE non está regulado específicamente por ningunha Lei.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.