O xefe do clan dos morones contrata ao avogado de Rosario Porto
O que se autodenomina “príncipe” dos xitanos, Sinaí Giménez, está acusado de agresións contra os membros do clan dos zamoranos.
Por Galicia Confidencial | Vigo | 16/03/2016 | Actualizada ás 10:00
O presidente da Sociedade Xitana en Galicia, Sinaí Giménez, e un dos xefes dos clans de étina xitana dos morones, contratou ao avogado penalista José Luís Gutiérrez Aranguren, que asistiu a Rosario Porto, nai de Asunta Basterra, para que o defenda das acusacións que pensan contra el tras os enfrontamentos co clan dos zamoranos.
O autodenominado “príncipe” dos xitanos comparecerá a declarar este xoves no Xulgado de Instrución 8 de Vigo en relación con varios altercados entre feirantes de etnia xitana dos clans dos morones e dos zamoranos en varios mercados do sur de Pontevedra.
Tal e como apunta nun comunicado, a súa intención é "acabar dunha vez" con "a persecución" da que sente vítima e desmontar "a máis que posible e suposta conspiración político policial" que busca "criminalizarlo e derrubalo".
A Policía Nacional trasladou á Subdelegación do Goberno unha proposta de sanción para Sinaí Giménez polo gran coitelo de cociña que levaba no seu coche, cando foi identificado a comezos de febreiro tras un enfrontamento con outros vendedores ambulantes na Gran Vía de Vigo, e a barra de ferro coa que se agrediu a un membro do clan dos zamoranos.
