A finais de maio terá lugar a I Xornada sobre Coeducación rural

Esta “I Xornada sobre Coeducación rural e diversidades: construíndo igualdade nas nosas aldeas” é unha proposta de acción formativa de 20 horas baseada na aprendizaxe cooperativa. A metodoloxía didáctica plantexada busca a participación activa, a problematización de casos e a deconstrucción de plantexamentos previos. Pra esta tarefa farase uso de diversas técnicas educativas colaborativas: videoforum, casos prácticos e role-playing; ademais xeneraranse debates, mapas conceptuais e brainstorming.

Programa

• Martes 24: Diversidades afectivas, familiares, sexuais e amatorias: o noso corpo, o noso territorio
• Mércores 25: Máis alá da coeducación urbana: o ecofeminismo entra nas aulas
• Xoves 26: Violencias Basadas no Xénero (VBX) e violencias identitarias: machismo, LGTBIQfobia e ruralfobia
• Venres 27: Novas propostas teórico-prácticas pra dinamizar a pedagoxía emancipatoria no rural

Obxectivos

• Coñecer a importancia do xénero, as estéticas, a orientación sexual e a identidade de xénero na dimensión individual, grupal e comunitaria. Esí como abordar a resiliencia identitaria, a expresión de afectos e a xestión amatoria no desenrolo persoal e colectivo das mulleres e persoas LGTBI do rural.
• Profundizar nas diferentes formas de violencia de xénero e de bullying LGTBIQfóbico. Esí como as sucesivas formas de colonizar e agredir o medio rural.
• Asumir estratexias prácticas pra aplicar os feminismos na realidade educativa da vida rural dende unha óptica freireana.
• Afondar nos procesos de vulnerabilización, estigmatización e cousificación da diversidade afectivosexual nos entornos rurais.
• Comprender as vantaxes e beneficios da praxe coeducativa dende un enfoque emancipatorio, intercultural e non urbanita.

Pra máis información sobre inscrición e programación: Nova Escola Galega