A situación dos CONA
O Colectivo dos Non Adscritos, coñecido comunmente como CONA, volve a funcionar aínda que os seus membros se teñan dividido entre quintanistas e beiristas logo das grandes diferencias que enfrontaron a Beiras e Quintana despois da XI Asamblea Nacional...
Por Galicia Confidencial | Galicia | 27/09/2006 | Actualizada ás 14:05
Actualmente, este colectivo dividiuse en dous polos, aínda que alguén fala de tres; o que representa Roberto Mera (que encabezou o liderazgo dos CONA na XI Asamblea Nacional) e Ana Luisa Bouza (directora xeral de Igualdade), o que representa Emilio Ínsua (da zona do Condado e moi próximo a Beiras) e o que di manter Amada Traba (man dereita de Camilo Nogueira).
Mera é, agora, un dos principais aliados de Quintana na súa estratexa de fixar un grupo propio dentro do BNG. Ínsua é un firme impulsor do Foro -movemento impulsado polos Beiristas-, mentres que Traba traballa activamente na Alternativa, a candidatura impulsada por Nogueira e EN.
Os antigos aliados converteronse, agora, en inimigos políticos. De feito, tanto os CONA beiristas e camilistas acusan a Mera, Bouza ou o deputado Manuel Parga de "terse vendido" por postos institucionais. Non obstante, éstes lembran que quen traicionou os postulados dos Non Adscritos foron eles por aliarse "con quen sexa" co único fin de atacar a Quintana e esquencer os principios fundacionais do colectivo.
