Os policías galegos tamén se forman contra o terrorismo yihadista

Un total de 80 policías galegos recibirán estes días en Santiago de Compostela formación relacionadas coa evolución, os procesos de radicalización e a situación actual do Terrorismo Yihadista no Continente Africano, en Oriente e, por suposto, en Europa.

Este curso, realizado polo Sindicato Unificado de Policía (SUP) , está impartido por un funcionario do Corpo Nacional de Policía (CNP) destinado na Comisaría Xeral de Información, que é o servizo que se encarga da loita contra o terrorismo nacional e internacional.

Nas xornadas participan policías pertencentes ao CNP, á Unidade de Policía Adscrita á Xunta de Galicia e á Policía Local de Santiago de Compostela.

O obxectivo do SUP é “seguir formando" aos afiliados, e desta maneira, paliar a "escasa ou nula formación", que a Administración dispensa aos funcionarios do Corpo Nacional de Policía. Unha falta de formación, que segundo denuncian, na maioría dos casos vén acompañada de "unha falta de medios humanos e materiais", para loitar con maior garantía de éxito contra esta e outras ameazas.