Por Galicia Confidencial | Lugo | 05/05/2016 | Actualizada ás 19:00
A plataforma asociativa Lugo de cara ao Miño, a través da asociación ecoloxista Adega, reclamoulle ao Ministerio de Medio Ambiente resolver canto antes o expediente sancionador aberto contra o Concello de Lugo e a empresa Inca por construción dun "dique ilegal no río".
Os asinantes do escrito piden que ese dique sexa retirado da canle do Miño ao seu paso por Lugo antes de que termine a época de estiaxe, porque pola contra habería que esperar "un ano máis" cun "impacto inasumible para un espazo natural protexido como Rede Natura".
O próximo 10 de maio cumpriranse seis meses do inicio das obras do citado dique para aumentar o caudal de explotación da minicentral eléctrica da chamada Fábrica dá Luz, "demasiado tempo" para unha estrutura que "ía ser provisional nun espazo natural protexido". Apunta esta entidade, ademais, que as obras do dique non pasaron ningunha avaliación de impacto ambiental.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.