Por Galicia Confidencial | Compostela | 07/05/2016 | Actualizada ás 15:53
O secretario xeral da UGT, Pepe Álvarez, denunciou este sábado que o plan de austeridade de Feijóo "só beneficiou a uns poucos". "O discurso de que non hai diñeiro non serve porque neste país hai diñeiro, o problema é que está mal repartido e hai que pór en marcha medidas para unha reforma fiscal", dixo.
Foi durante a clausura do XII congreso de UXT en Galicia, no que, José Antonio Gómez, foi reelixido secretario xeral de UXT-Galicia co 77'17 por cento dos votos. Deste xeito, seguirá á fronte da central sindical no que será o seu cuarto mandato (tras dous de catro anos e este último de tres polo adianto do conclave).
Álvarez tamén exhortou á Axencia Tributaria a adoptar estratexias para "recadar os 80.000 millóns de euros que cada ano van á fraude fiscal e pérdense". Ademais, lamentou que o plan de asuteridade de Feijóo foi "ás costas dos galegos". "Poida que beneficie a uns poucos pero aos galegos non lles beneficiou", dixo, e considerou que supuxo un "recorte dereitos" aos cidadáns e reducións en prestacións en educación, saúde pública ou servizos sociais.
Nese sentido, considerou que os políticos deberían reflexionar e "non pensar só no déficit senón nos cidadáns", porque esas medidas "van ás costas dos cidadáns foi Galicia".
Álvarez fixo un chamamento aos traballadores a acudir ás urnas nos próximos comicios xerais, aínda que sinalou que UXT como sindicato "non se situará" a favor dunha forza política.
O líder sindical, que sinalou que este fin de semana complétanse reunións sindicais dese tipo en sete comunidades autónomas, convidou os traballadores a que "non se desilusionen" porque iso iría a favor do "status quo", de maneira que fixo un chamamento á "mobilización" para "encher as urnas de votos de traballadores".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.