Por Galicia Confidencial | Santiago de Compostela | 12/05/2016 | Actualizada ás 13:34
O sábado 14 de maio chega ás tendas, da man do selo cooperativo Discos da Máquina, o novo traballo discográfico de Caxade, tiulado "E isto é o Amor"; ao igual que a canción de presentación.
Hai apenas dúas semanas vía a luz, en forma de vídeoclipe, o single de adianto do novo disco de Alonso Caxade. As máis de cinco mil reproduccións nestes quince días dan conta do agardado que é este segundo disco ao tempo que presaxian un boa xira de presentación que comezará o 21 de maio na Sala Sónar de Compostela e seguirá o 22 en Ponteceso, (Festiletras), o 26 en Pontevedra (Sala Karma), o 4 de xuño en Lugo (Sala Clavicémbalo), o 11 en Bueu (Sala Aturuxo), o 18 viaxarán a Toulouse (Francia) para tocar no Festival Río Loco, o 25 en Rianxo e o 26 en Vilagarcía. Oito concertos en apenas seis semanas antes de meterse nos festivais de verán.
Caxade é proxecto musical de indie-folk do músico galego Alonso Caxade que comezou no ano 2012. Naceu como un proxecto audiovisual a través da publicación das publicacións das videocreacións "Danza dos Moscas", “Gente Pota” e “Sr. Xorda”. Foi nomeado aos Premios Mestre Mateo, foi considerado Mellor Artista 2013 nos XIII Premios Opinión e gañou o Certame Música Xove. A dança dos moscas (Discos da máquina, 2013) está considerados como un dos mellores discos en galego no que levamos de década. Despois, en decembro de 2015, presentou CD-DVD "A Dança dos Moscas Ao Vivo" gravado coa Banda de Música da Bandeira.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.