Temas: MúSICA

Caxade: "Vivir da música en Galiza é unha utopía"

Alonso Caxade pariu dous dos mellores discos da música galega desta década. "É isto e amor" (Discos da Máquina, 2016) acaba de presentalo a fin de semana en Santiago e Ponteceso. Nesta entrevista, o acordeonista aborda, entre outros temas, a realidade económica do mercado da música no país, as consecuencias da súa militancia política e a necesidade de ir máis alá da tradición.

Por Galicia Confidencial | Santiago de Compostela | 23/05/2016 | Actualizada ás 08:00

Comparte esta noticia

Vostede reivindica o son das orquestas e das festas da aldea. Mais no seu novo disco "É isto é amor" tamén hai abondo arranxos propios do pop electrónico ...

Alonso Caxade
Alonso Caxade | Fonte: matias mosterkid desconcierto.com

Sim, já há tempo que nom fago trabalhos etnográficos. Neste momento o meu respeito e amor pola tradiçon musical galega passa por fazer conviver o pasado no presente, para olhar com estabilidade o futuro. Nom por ser o comisário dumha exposiçom de museu. Este disco, igual que o anterior, foi feito sem tabús nem clichés. É um risco, as dúas críticas possíveis para um segundo disco som "estava melhor o anterior" ou " é igual que o anterior". Sabendo isto, nom tenho outra que seguir fazendo a música que gostaria ouvir, pensando só em mim.

Os músicos adoitan criticar aos xornalistas por porlle etiqueta a súa música. Sería quen vostede de presentar as súas composicións sen usar o término indie folk?

Cançom de autor. Também me vejo reflitido neste termo. Mas eu nunca criticaria (nem critiquei) a um jornalista por pretender resumir um estilo numha soa palavra. É preciso.

Seche Sende asina a letra do tema que dá nome ao disco. Como naceu a colaboración co escritor?

Caxade na Capitol
Caxade na Capitol | Fonte: magnifique bande dos homes sen medo

Séchu gosta da minha música e eu gosto da súa literatura. Quando publiquei o primeiro disco "A Dança dos Moscas", Séchu contou-me que tinha um poema que sempre ouvia na súa cabeça com música minha. Quando o lim, pensei que a letra era minha. Foi umha uniom mui bonita e curiosa, e também para mim umha responsabilidade por-lhe música a um texto que nom é meu

Premio "La Opinión” Ao Mellor Artista, “Premio Maria Casares” á Mellor Música con Cuarteto Caramuxo por “Vento Mareiro” de Avelino González,  gañador do “Certame Música Xove”, nominado aos “Premios Mestre Mateo”, aos “Premios Martín Códax da Música” e aos  “Premios de la Música Independiente”, un dos maiores premios da música estatal ...Cando comezaba nisto da música, tiña ambiación de chegar tan lonxe? 

Agora já ganhador do "Premio Martín Códax da Música", também (risos) Nom, nom tinha. Aínda que aguardo que me reste moito caminho por percorrer. Os prémios som importantes, ajudam e puxam por um projeto, mas a ambiçom nom é ter prémios. O prémio único é tocar, levar a música e o projeto a onde seja posível e ter fedback da gente que estar a ouvir.

Vostede é profesor de música nunha escola unitaria. Se a súa carreira segue a progresar, consideraría deixar o ensino para adicarse por completo a banda? Ou aínda é unha utopía vivir da música en Galicia cantando en galego?

Som o responsável da escola. O único mestre que na escola há de maneira permanente. Na verdade, e aínda que seria umha mágora ter que escolher, infelizmente nom se vai dar o caso. Viver da música em Galiza é umha utopía para as nosas filhas. Estamos já trabalhando, sem descanso, para as nosas netas.

De onde nace a afección polo acordeón? Que lle gusta en particular dese instrumento?

Pois nom sei moi bem. É um instrumento que sempre me chamou a atençom, é como mágico. Um piano ou um harmónio portátil, harmonia e melodia ao tempo. Venho da música tradicional e o acordeón é moi popular, aínda que na minha familia nom o tocase ninguém

As súas letras teñen bastante crítica social. Vostede non oculta o seu activismo, pois foi nas listas do BNG no seu concello, Ames. Non teme que isto o perxudique a hora de lograr concertos?

A repressom existe e perjudica, mas se nom fazemos o possível por arranjá-lo, por normalizar a situaçom, deixaremos-lhes às nosas filhas a peor leira possível na que sachar: a indiferença e apatia. Mau exemplo. Nom oculto o meu ativismo em geral, seria pouco coerente fazé-lo com o meu projeto musical. É mais, nasce como parte do ativismo.  Só sementamos, como formigas que perdem a cárrega que transportam, na esperança de que as filhas das nossas filhas tenham menos prejuiços e mais liberdade

Onde poderemos ver a Caxade en directo nas vindeiras datas? Gusta tocar en festivais ou prefire aforos máis pequenos?

O 28 na Sala Karma em Ponte Vedra, o 4 de junho em Lugo (no Clavicémbalo), 11 de junho na Sala Aturuxo de Bueu, saltamos a península para estar em Toulouse (França) o 18 de junho no "Festival Rio Loco", o 25 en Asados (Rianjo) o 26 Vilagarcía, etc. Gosto de tocar em qualquer situaçom, sempre que percibamos o contato com o público.  

E que anda a escoitar Alonso Caxade esta primavera?

Por sorte para todas, é umha primavera com moita música galega, e moi boa. Estes días o novo de Sonia Lebedynski ou o de Nao, entre outros.

Temas: MúSICA
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 16 comentarios

7 Discazo!

Escoitei o disco e namoroume. Xa era bo o anterior, pero este nótase mellor producido, gústame a evolución no son. Grande artista. Por certo, encántame que respectedes a súa opción ortográfica, xa o podían facer outros.

1 Castelao

Totalmente dacordo contigo, tanto no que respecta ao segundo trabalho de Caxade, como ao respeito pola opcióm ortográfica. Obrigado por serem tam respectuoso, assí um enténdesse com calquera!!!

6 Bufffff

Pero esa ortografía, --que me impide ler a entrevista sen tomar notas e agora non teño a man papel-- pregunto se esa ortografía non é ilegal, como Rianjo, La Coruña, etc.

1 ecooo

O único que debera ser ilegal é a túa neurona, atrofiado mental

2 Susavila

Que mágoa, pobre sensibleiro ao que a ortografia impide ler... Se foses de Extremadura, onde o portugués está presente con normalidade nas aulas, non terías tal problema. Se foses da raia de Salamanca ou Zamora, con publicacións multilíngües (en castelán, portugués e mirandés/leonés), tampouco. E sendo galego si? Será cousa de curtedade motivada pola grafía ou sera prexuizo racial? Faite mirar os preconceitos se queres superar fonteiras mentais e sobrevivir nun mundo aberto e plural!

3 teutonio

Non cres que é un pouco triste describirte como un pouco cortiño (non entender este texto é de badulaques) co fin de criticar unha opción lingüística?

4 Castelao

Se a túa capacidade intelectual e/ou cultural nom che dá para entender que Rianjo escrito coa normativa do galego de orige (esse que estudiaches nas cantigas de amigo) nom se pronuncia igual que coa ortografia espanhola, do mesmo xeito que "mobile" em inglés se pronuncia mobail e nom como se leria em espanhol. Se che passa isso, tam so podo sentir pena por ti, muita pena que no século XXI sufras de tremendo mal

5 Adeus moi boas

Así así todos criticando de maneira constructiva coma sempre, da gusto con este tipo de foreiros, ata isto é culpa do BNG,espero no sexa reflexo de Galicia, que deus nos colla confesados, imos morrer todos.

1 Manolo Escopeta.

Tes toda a razón, coido que por moi criticable que sexa o BNG, merece un nivel moitisimo mais elevado, que o que teñen os trolls dos seus inimigos. Iso di moito do que se pode esperar de isa Expaña corrupta e na ruina, cunha debeda que xa supera o PIB froito de facer pública a debeda privado. Noxento expañolismo neo franquista, por moito que se disfrace de postmoderno IUposodomita 2.0. Profundamente xacobino, que tenta dinamitar o nacionalismo e os partidos que defenden aos traballadores. que é moito mais que o BNG. O seu caladoiro son os alienados-programados para non pensar, coma o tal monstruo. No capitalismo ningunha actividade, ten asegurado o seu salario...agás os corruptos, estafadores, explotadores e demais lumpen humano.

4 jñtz

Home xa, sobre todo se es un plaxiador pedante, vívese das subvencións.

3 nostrus

Nesta vida ninguen ten garantido poder vivir da sua actividade.

1 Antinostrus

Pois a ti coa de cipaiomercenariodoministeriodointerirorespagñollambedordoortosmadrileñosnosintreslibres vai-che moi ben, mononeuronal malandrín, safado.......