Unha carreira de obstáculos moi especial
ENKI é un proxecto social para a integración e visualización de colectivos e persoas con diversidade funcional. Este domingo lanza unha carreira lúdica de obstáculos, aberta á participación de todos os públicos, idades, con ou sen diversidade funcional.
Por Galicia Confidencial | Vigo | 24/05/2016 | Actualizada ás 08:55
Serán 2,5 quilómetros de obstáculos, probas, xogos de colaboración e sobre todo moita diversión. Así, o gañador non será o máis rápido, senón o equipo máis divertido, mellor disfrazado ou o máis numeroso.
Unha festa a favor da inclusión
O 100% dos fondos recadados serán destinados a favor dos colectivos que loitan por e para a defensa das persoas con discapacidade e a súa integración a través da práctica de ctividades deportivas.
Para participar na carreira organizada pola Fundación Abrente cómpre inscribirse a través de Atquilla.com, pagando unha cuota de cinco euros. A actividade comeza este domingo 29 de maio a partir das 11 da mañá.
Velaquí o vídeo da pasada edición na Coruña:
