Goliat

Por Fermín Paz | As Pontes | 31/05/2016

Comparte esta noticia

Idomeini é Europa

da súa construción

tambaléase

Os arames dan votos ao racismo

A democracia matiza o decorado no seu extremo dereitista

Nova estética

Refuxiados fuxindo

de guerras e mafias

con boa-vinda inicial,

e status teórico

De novo o conflito

Bombas formateadas,

para os desperdigar,

humillalos e botalos

 

Non caben dúbidas

Os cimentos filosóficos

e morais están en dúbida

Quizais debésemos ser coñecedores

da cultura grega,

Preguntémonos de novo,

De onde vimos?

E para onde imos?

Somos o que somos

Deixemos de autoenganarnos

e de mirar ao ceo,

Volvamos a vista cara a

o que están facendo no noso nome

A farsa europea

ten pseudónimo: Goliat

 

Realmente evolucionamos?

Darwin nunca

falou de superioridade,

aínda que a súa teoría en boca allea

xustificase supervivencias adaptativas

No fondo a gobernanza europea

retoma no seu facer,

debates dun tempo excedido

A historia tende a repetirse,

os campos de refuxiados son subterfuxios

Representan de novo o destempo:

razas como especies distintas,

abusos contra os pobos,

burdos argumentos e xustificacións,

categorización étnica e deshumanización

 

Europa!!!, Poboadores europeos!!!

ou somos:

unha democracia de verdade,

unha liberdade sen arames,

un muro de compromiso,

uns dereitos humanos sen retorcer

unha mestizaxe pura,

un proxecto compartido e solidario,

ou cada día a idea será máis tambaleante

correndo o perigo de desmoronarse e converterse:

no clube da indiferenza,

un norte imposíbel sen puntos cardinais

un cheque en branco sen fondos,

unha trampa ao solitario ou en compañía doutros da mesma calaña,

un oportunismo vello que nunca ten idade

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Fermín Paz A miña actividade política e social ven do ano 1970. Militei e tiven responsabilidades en organizacións do nacionalismo galego a nivel local, comarcal e nacional. A nivel Internacional, Secretario Xeral da Unión Internacional de Sindicatos da Enerxía-Química e Petróleo e da Comisión Executiva dos Sindicatos da Enerxía- Química e do Petróleo da rexión Europea-Paises árabes. Secretario Xeral da Asociación Internacional Droit á l´énergie-Sos Futur con sede en Paris e representante da Ong no Consello Económico e Social da ONU. Na actualidade estou xubilado e fago colaboracións en revistas, publicacións e Foros Internacionais de análises política ou sindical.