Méndez e Leiceaga suman apoios na recta final da campaña

O voceiro parlamentario realiza un acto coas mulleres que apostan pola súa candidatura, entre elas, destacas dirixentes como Carmela Silva, Beatriz Sestayo, Carmen Gallego ou Mar Barcón. Pola súa banda, a plataforma galeguista En Positiva aposta por Leiceaga.

Por Galicia Confidencial | Compostela | 27/05/2016 | Actualizada ás 14:20

Comparte esta noticia

Os dous candidato socialistas ás primarias do PSdeG, José Luís Méndez Romeu e Xaquín Fernández Leiceaga, apuran as últimas horas de campaña sumando apoios. Así, mentres que o voceiro parlamentario do PsdeG rodeouse de mulleres no último día de campaña, o ex deputado e profesor universitario recibiu o apoio da plataforma En Positivo.

Méndez Romeu nun acto con mulleres do seu partido, entre elas, Carmela Silva, Mar Barcón, Beatriz Sestayo ou Laura Seara
Méndez Romeu nun acto con mulleres do seu partido, entre elas, Carmela Silva, Mar Barcón, Beatriz Sestayo ou Laura Seara | Fonte: EP

Méndez compareceu este venres rodeado de varias mulleres do seu partido, moitas delas cargos públicos, e proclamou que aspira a construír "o goberno da igualdade" para "impulsar o empoderamiento" feminino.  "Só as mulleres con poder darán poder ás mulleres", salientou desde a sede do PSdeG, tras expresar o seu convencemento de que a presenza de mulleres á fronte das institucións leva importantes "cambios" nas políticas que se pon en marcha.

Entre as asistentes estaban a presidenta da Deputación de Pontevedra, Carmela Silva; as deputadas e exdeputadas Carmen Gallego, Carmen Acuña, Marisol Soneira, María Quintas, Margarita Pérez Herráiz, Sonia Verdes e Carmen Cajide; a exsecretaria de Estado Laura Seara; e as líderes locais de Ferrol e A Coruña, Beatriz Sestayo e Mar Barcón, respectivamente.

"Mañá empeza o traballo para conquistar o goberno de Galicia", apelou Méndez Romeu, desde o convencemento de que existe un "sentimento" na sociedade de que "chegou a hora do cambio" na Xunta. E é que, como lembrou sen abandonar o ámbito da igualdade, o actual presidente, Alberto Núñez Feijóo, chegou a "incumprir" a lei que obriga a que o sexo menos representado no goberno non baixe do 40 por cento.

Rocío Martínez, de Xuventudes Socialistas de Camariñas (A Coruña), deu lectura a un decálogo de medidas que porá en marcha Méndez Romeu se chega a liderar o Executivo autonómico.  Abarcan desde a creación dun Instituto da Muller ao deseño dun plan específico de emprego, medidas pensadas para as mulleres do rural e para aumentar as mulleres en consellos de administración e accións encamiñadas a dar maior protección ás vítimas de violencia de xénero.

Apoios de Leiceaga

Se o xoves o ex ministro Francisco Caamaño apoiaba a Méndez Romeu, a última hora do día era a plataforma galeguista En Positivo-Novo Proxecto Socialista Galego a que tamén expresaba o seu apoio a Xaquín Fernández Leiceaga polo seu "proxecto renovador" e a súa vocación de "construír un partido forte e plural".

Nun comunicado, este colectivo, do que figuran entre as súas cabezas visibles líderes locais como Martín Seco (Arteixo), Nicolás González Casares (Lalín) e Iván Vaqueiro (O Porriño) e outros militantes como o coruñés Pablo Arangüena, destacaba que tomou esta decisión tras escoitar os proxectos expostos polos dous candidatos ás primarias.

"Leiceaga é a persoa idónea para alcanzar ese obxectivo de renovación", recalcou esta plataforma, que tamén puxo o valor a "integración" xa selada con Gonzalo Caballero, o vigués que tratou de concorrer ao primarias pero non logrou o mínimo requirido de avais.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 5 comentarios

4 Ana

O PSdeG ten que escoller si quere ser de esquerdas, federalista e galeguista ou españolista e neoliberal. En definitiva si apostan polos principios (socialismo, galeguismo, pacifismo, etc) ou so por acadar o poder (sin importar con quen se pacte) e ser unha copia de PP e Ciudadanos. Pode que entre alguns votantes maiores guste un PSdeG españolista e catolico mais o futuro esta na xuventude que entende que o modelo de pais que debe ser federal e plurinacional, socialista, con participacion da cidadania, con memoria historica e laico.

3 Sesese

Brillante parlamentario con experiencia e boa persona

2 WWR

!Vaya foto, para correr y no parar.!Lo más rancio del PSdeG., es de esperar que no se repita.

1 Sermos

Leiceaga é o palanganeiro de Beiras, con Lage Tuñas de celestino. Méndez Romeu representa o vazquismo máis caduco e noxento. A renovación está en Ana Pontón.

1 José

Eu engadiría tamén como auténtica aposta de renovación a Feijoo, e por ese camiño, chegamos a Franco