Por Galicia Confidencial | Santiago de Compostela | 28/05/2016 | Actualizada ás 09:00
Nace desta confluencia o que os promotores denominan cooperativa política, con formato legal de federación de partidos. O novo ente político está formado, segundo os participantes, por uns 300 membros e 600 simpatizantes.
Este novo espazo "verde" é xa unha forza con presenza institucional nas candidaturas de unidade cidadá municipalistas, por exemplo Equo ten un concelleiro no goberno da Coruña e Espazo outro en Compostela.
Espazo-Equo está a xogar un papel relevante precisamente na converxencia das mareas locais para as autonómicas. O colectivo aposta por superar as "divisións preexistentes sustentados en posicionamentos ideolóxicos pechados". Na súa opinión “correspóndelle ás Mareas Municipalistas, agrupadas en Mareas en Común, ser o elemento vertebrador do proceso da marea de carácter nitidamente cidadá que poida sumar ás forzas partidarias quedeberán diluír a súa praxe para que non haxa ningunha dubida sobre o seu escrupuloso respecto ás decisión do colectivo común.”
A asemblea (na sede de Compostela Aberta, na Praza do Toural) será aberta polo alcalde de Compostela, Martiño Noriega (militante ANOVA), e no acto de clausura participarán como convidados representantes de Mareas en Común, ICV e EQUO Federal, así como diversos colectivos sociais e de defensa do ben común.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.