A vaca que naceu grazas á Garda Civil

Axentes do Seprona auxiliaron este martes a unha vaca con problemas no parto no municipio lucense de Navia de Suarna, concretamente na localidade de Pan do Zarco.

Segundo recolle o corpo nun comunicado, os profesionais atopábanse de inspección pola zona cando localizaron o animal. Tras poñerse en contacto co propietario, avisaron un veterinario, xa que a vaca pasara demasiadas horas de parto e tiña moitas complicacións.

Grazas a esta rápida actuación, tanto o tenreiro como a vaca, de raza asturiana, atópanse en bo estado.