Zara, entre as 100 marcas máis valiosas do mundo

Zara é a únca marca do Estado, xunto con Movistar, que logran aparecer entre as 100 máis valiosas a nivel mundial, segundo o ranking 'Brandz Top 100', elaborado polas consultoras Millward Brown e WPP, que coroou a Google como a marca de maior valor global, superando o fabricante tecnolóxico Apple.

Zara sitúase no posto 35 do listado, cun valor considerado de marca de 25.221 millóns de dólares (22.319 millóns de euros), un 14% máis que o ano anterior, o que permite á insignia española avanzar sete postos no ranking.

Pola súa banda, Movistar aparece na posición 40, tras ocupar o posto 46 na edición anterior, cun valor de marca estimado de 21.945 millóns de dólares (19.420 millóns), un 3% máis que hai un ano.

Deste modo, Zara convértese na quinta maior marca do Vello Continente, só por detrás de SAP, cun valor de 39.023 millóns de dólares (34.533 millóns de euros), Deutsche Telekom, cun valor de 37.733 millóns de dólares (33.392 millóns de euros), Louis Vuitton, cun valor de 28.508 millóns de dólares (25.228 millóns de euros) e de BMW, o valor da cal alcanza os 26.837 millóns de dólares (23.749 millóns de euros).

Pola súa banda, Movistar aparece como a oitava marca con maior valor a nivel europeo e a sexta no segmento de operadores de telecomunicacións, onde dominan as estadounidenses AT&T e Verizon, por diante de China Mobile, Deutsche Telekom e Vodafone.

A nivel global, Google converteuse na marca máis valiosa do mundo, superando a Apple cun valor de 229.198 millóns de dólares (201.738 millóns de euros), o que representa un aumento do 32% respecto ao ano anterior.

Pola contra, cun descenso do 8% no seu valor da súa marca ata 228.460 millóns de dólares (201.092 millóns de euros), a sinatura da mazá viuse relegada ao posto número dous, tras recuperar a primeira posición en 2015.