Por Galicia Confidencial | Cerceda | 08/06/2016 | Actualizada ás 18:44
Un grupo de pais e rapaces da Escola Unitaria de Queixas presentáronse hoxe nun acto do presidente da Xunta en Cerceda. Alberto Nuñez Feijóo evitou escoitar en persoa as súas queixas, aínda que si dixo recibiu o seu escrito de protesta.
Cando o presidente da Xunta abandonaba o acto, o delegado da Xunta na Coruña, Diego Calvo, bloqueou o paso ao xornalista que interpelaba ao mandatario. Calvo asegurou que os pais serán recibidos na delegación, antes de desfacerse dialécticamente do informador con malos modos. Velaquí o vídeo:
A Escola Unitaria de O Calvario en Queixas, Cerceda, é hoxe a única dunha morea de unitarias rurais que viña funcionando naquela comarca. Ante a noticia do seu próximo peche, a comunidade escolar comezou a mobilizarse.
Acudiron a onda Feijóo nunha visita é empresa Galopin de Cerceda. Aló intentaron informalo da situación e mostrar o rexeitamento ao “desmantelamento deste modelo de ensino recomendado en moitos países considerados a vangarda da educación en Europa”.
Nin Feijoo nin o alcalde de Cerceda presente no acto celebrado no mediodía do mércores, se achegaron ao grupo de pais, nais , nenos e nenas. Iso si, estiveron vixiados moi de preto pola Policía Nacional fóra do recinto durante hora e media sen deixar que se achegaran ao lugar do acto. Os policías comprometéronse a achegarlle ao presidente unha carta de protesta. Finalmete os manifestantes lograron unha vitoria momentánea: a Consellería de Educación recibiraos na delegación da Coruña a mañá xoves. Está por ver se evitan así o peche da Escola.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.