Campaña de baixo custe de UpyD
Esta formación só se presenta por Pontevedra. Lista na que irán os principais responsables e dirixentes en Galicia.
Por Galicia Confidencial | Pontevedra | 10/06/2016 | Actualizada ás 12:00
UpyD aínda se resiste a desaparecer, a pesar da multitude de cargos e dirixentes que marcharon para Ciudadanos. Este partido presenta candidatura só en Pontevedra, con Enrique Lareo, psicólogo, mestre e logopeda de 59 anos e actual coordinador de UPYD en Galicia, como cabeza de lista.
Unha campaña que fará, segundo esta formación con “ilusión, enerxía e ganas de transmitir aos cidadáns as propostas de UPYD” pero de moi baixo custe. “É hora de apostar por un partido con credibilidade e reivindicar o traballo honesto da nosa formación durante estes 9 anos”, suliña.
Xunto a Lareo, a ex responsable da formación maxenta, Ana Alonso que figura como número 2 e Javier Lojo, responsable de comunicación do partido en Galicia e candidato de UPYD nas pasadas eleccións, como número 3.
Pontevedra é a única circunscrición na que se presenta UPYD en Galicia, ao tratarse dunha decisión dos propios afiliados. UPYD xa prepara os próximos comicios autonómicos, ao entender que Galicia merece unha verdadeira forza de centro como UPYD.
“A campaña de UPYD será low cost xa que entendemos que os cidadáns non teñen por que pagar os pratos rotos dunha falta de entendemento entre os partidos políticos ademais de porque seguimos defendendo a autofinanciación das formacións políticas”, sinala Javier Lojo. O lema da formación “ O noso pacto é contigo”.
