Por Galicia Confidencial | Vigo | 19/06/2016 | Actualizada ás 10:00
Oito de cada dez empresas galegas con máis de 10 empregados usan software libre, o que supera a taxa de comunidades como Madrid, Cataluña e País Vasco.
Segundo os datos do Observatorio da Sociedade da Información e a Modernización de Galicia (Osimga), existe tamén unha tendencia crecente a usar esta tecnoloxía en microempresas, pois este tipo de sistema xa chega ao 52,1% das compañías deste tipo.
Ademais, nas empresas informáticas galegas, a utilización deste tipo de software crece en dous puntos respecto ao ano anterior e sitúase no 86,7%. Tamén crecen os programas libres con maior implantación son os navegadores de Internet e as aplicacións informáticas. Así, no último ano, incrementouse en 4,4 puntos o uso de sistemas operativos de Software libre nas grandes empresas galegas (dun 35,1% ao 39,5%); un indicador que sobe lixeiramente entre as microempresas galegas, chegando ao 18,6%.
Por outra banda, no último ano tamén aumentou en máis de sete puntos a porcentaxe de empresas informáticas, provedoras de solucións TIC, que venden servidores web e servidores de correo.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.