Multado con case 2.500 euros o patrón maior de Portonovo superar a cota de polbo
Martín Domínguez tamén afronta dous meses de suspensión para faenar con nasa de polbo.
Por Europa Press / Redacción | Santiago de Compostela | 16/07/2025 | Actualizada ás 18:32
A Consellería do Mar impón unha multa de 2.469 euros ao patrón maior de Portonovo, Martín Domínguez, por levar uns 115 quilos de polbo de máis no seu barco. Segundo explican fontes deste departamento a Europa Press, a Dirección Territorial da Consellería en Vigo tramita este expediente de sanción que inclúe tamén a suspensión do permiso de explotación durante dous meses para faenar mediante arte de nasa de polbo.
Gardacostas de Galicia interceptou o pasado luns ao patrón maior de Portonovo con 116 quilos de polbo de máis na súa embarcación, que foi precintada. O excedente comisado foi entregado ao Banco de Alimentos de Pontevedra.
A Consellería do Mar aclara que "non se cumpre ningún dos supostos establecidos na normativa vixente para proceder á intervención administrativa" e ao cesamento do patrón maior, xa que a súa actuación "non afecta á situación económica da confraría".
Engade que "trátase dun acto realizado a título individual pola persoa que ostenta o cargo de patrón maior, é dicir, é un acto realizado na súa condición de armador e non de patrón maior, e iso suporá, a título individual, a sanción ou multa que lle corresponda".
