Ferido de gravidade un home tras sufrir un accidente co seu cortacéspede na Veiga
Perdía moito sangue e podía perder un pé.
Por Europa Press / Redacción | OURENSE | 20/07/2025 | Actualizada ás 11:25
Un home resultou ferido este sábado tras sufrir un accidente cun cortacéspede nunha vivenda da localidade de Caneda, no municipio ourensán da Veiga. Segundo informa o 112 Galicia, foi un familiar quen chamou á Central de Emerxencias ao redor das 20.00 horas para alertar da "delicada situación" do home.
En concreto, insistiu en que este perdía moito sangue e podía perder un pé, en consecuencia, os responsables do Centro Integrado de Atención a Urxencias de Galicia solicitaron a colaboración dos profesionais de Emerxencias Sanitarias Galicia-061, que enviaron un equipo ao lugar do incidente. Para apoiar o labor do equipo médico tamén se avisou a efectivos do GES da Veiga e a axentes da Garda Civil.
