San José medra no Golfo Pérsico
A construtora pontevedresa logra un macrocontrato en Abu Dhabi e consegui que a maioría dos seus ingresos proveñan xa do estranxeiro.
Por Galicia Confidencial | Santiago | 25/06/2016 | Actualizada ás 16:47
O Grupo San José adxudicouse a construción dun complexo de vivendas e zona comercial de luxo nunha illa de Abu Dhabi por un importe de 300 millóns de euros, segundo anunciou a compañía.
Con este 'macrocontrato', a compañía que preside Jacinto Rey reforza a presenza que ten neste emirato, onde nos últimos anos logrou varios proxectos, entre os que figura a execución do Museo Louvre do país, estimado nuns 500 millóns de euros.
O actual proxecto consiste na construción na Isla de Saadiyat, situada a uns 500 metros da cidade de Abu Dhabi, dun complexo de nove edificios, que sumarán 461 vivendas de luxo e unha zona comercial.
San José acometerá en consorcio coa empresa Pivot Engineering & General Contracting este contrato, promovido por The Tourism Development & Investment Company (TDIC).
O denominado proxecto 'Mamsha Al Saadiyat' forma parte do plan do emirato para promover turisticamente esta illa, dunhas 2.700 hectáreas de superficie e o nome das cales significa 'felicidade'.
Con este contrato, San José dá un paso máis na súa estratexia de internacionalización, que xa achega o 60% dos ingresos do grupo, o 80% no caso da división de construción.
