Por Galicia Confidencial | Santiago | 25/06/2016 | Actualizada ás 22:44
A empresa pública estatal Correos informa que tramitou 72.096 solicitudes para votar por correo en Galicia. Este domingo, deste xeito aumenta un 32 por cento respecto das pasadas eleccións de decembro, na que 54.641 galegos residentes no país pediron votar por correo..
Por provincias, son A Coruña e Pontevedra as que se sitúan á cabeza, con 28.818 e 23.500 solicitudes, Lugo e Ourense quedan con 9.600 e 10.000.
Unha explicación deste aumento é a coincidencia das eleccións cunha ponte en Galicia, pois o venres foi festivo na comunidade, e o inicio das vacacións para moitos. En principio, non se espera un aumento da participación respecto o 20D. O voto emigrante caeu significativamente e os expertos apuntan a que algúns electores poden quedar na casa ante a repetición dos comicios.
O xoves foi o último día para exercer o dereito ao voto por correo. Houbo colas nalgunhas oficinas, e tamén aquí hai persoas que denuncian que non lles chegou a tempo a documentación.
En toda España, Correos admitiu 1.452.988 solicitudes, é un 85 por cento máis que nas eleccións de decembro.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.