A xornada electoral arranca con "normalidade" en Galicia, con todas as mesas constituídas

A xornada electoral arrancou con "normalidade" en Galicia, onde foron constituídas as 3.981 mesas habilitadas nos 2.470 locais que este domingo abriron as súas portas con motivo das eleccións xerais.

Segundo destacou o delegado do Goberno en Galicia, Santiago Villanueva, na Radio Galega, "todo transcorre con normalidade" e só se rexistraron "pequenos atrasos" nalgunhas mesas porque "faltaba algún vogal", cuestións que xa foron solucionadas.

A principal incidencia foi rexistrada nun colexio electoral da cidade de Lugo onde, segundo explicou, tivo que abrir a policía o local xa que a persoa encargada de facelo quedara durmida".

Así mesmo, o delegado do Goberno destacou o "amplo dispositivo de seguridade" habilitado en Galicia e compuxo por "máis de 7.000 efectivos" aos que agradeceu o traballo que desenvolven para garantir o dereito ao voto.

"Del mesmo modo quero agradecer o labor de máis de 16.000 persoas que hoxe están a traballar en Galicia para que poidamos exercer o dereito ao voto", asegurou antes de explicar que o dispositivo é "practicamente igual ao das eleccións do pasado mes de decembro".

Ademais, conforme sinalou, en Negreira unha mesa electoral foi constituída cun intérprete de signos, "tal e como fora solicitado".