As enquisas a pé de urna debuxan un escenario aberto
O PP primeiro con 117-21 escanos, Unidos Podemos segundo con 91 95 deputados, PSOE terceiro con 81-85 representantes, Ciudadanos cuarto con 26-30 deputados, segundo na saída dos colexios elaborada polas televisións públicas. O PSOE, malia o sorpasso, tería a chave.
Por Galicia Confidencial | Madrid | 26/06/2016 | Actualizada ás 20:03
As negociacións para formar goberno no Estado volverán a ser complicada de confirmarse os resultados das enquisas a pé de urna publicadas.
De acordo a enquisa elaborada por Sigma 2 para TVE e as televisións autonómicas, o PP obtivo 117 e 121 deputados, Unidos Podemos 91 95 escaños segundo, o PSOE 81 85 e Ciudadanos 26 e 37. No país non hai dato desagregrados de en Marea.
Cómpre lembrar que non haberá resultados provisonais oficiais até as 22:30, aínda que coma sempre o reconto tamén se pode seguir en liña. Con todo, os resultados de Sigma 2 deberan ser bastante significativos, pois di que entrevistou a 135.000 persoas á saída dos colexios electorales.
A outra enquisa electoral a pé de urna, elaborada por GAD 3, para ABC dá estes resultados electorales: PP 121-124; PSOE 84-86; Unidos Podemos 87-89; Ciudadanos 29-32.
O PSOE tería a chave
A maioría absoluta está en 176 escanos dos 350 que se reparten. Con estes datos, PP e PSOE poderían formar goberno de apostar pola gran coalición. Con todo, se o PSOE apoiase un goberno liderado por Podemos, estarían tamén moi preto dos 176, ou incluso os podería superar. O papel de Ciudadanos sería moito menos importante, pois non daría para sumar nin co PP ni co PSOE.
Resultados en 2015 en España
A nivel estatal, o PP vencera os comicios do 20D con 123 escaños ao lograr o 28,7% dos votos con 7,23 millóns de papeletas polo que perdería algo de terreo respecto as pasadas eleccións. Segundo fora o PSOE con 90 deputados e 5,54 millóns de votos, o 22%.
Terceiro Podemos e as súas confluencias con 69 representantes e o 20,6% dos votos. Cuarto Ciudadanos co 13,9% dos votos e máis de 3,5 millóns. Unidade Popular, a marca de Izquierda Unida, hoxe integrada nas listas de Unidos Podemos, conseguira máis de 900.000 votos e o 3,6% dos votos, pero só dous escanos.
Resultados o 20D en Galicia
A nivel galego, nas pasadas eleccións do 20 de Decembro de 2015 en Galicia o PP tamén gañara, con 10 escanos e máis de 609.000 votos. Daquela sumara o 37,1% dos sufraxios no país.
En Marea conseguira seis deputados e 410.000 votos, o 25%. O PSOE tamén lograr seis escanos co 21% e 350.000 votos. Ciudadanos obtivera un escano pola Coruña con 146.000 votos no país, con algo máis do 9%.
