O fiscal pide un ano de cadea para Rafael Louzán
O ex-presidente da Deputación de Pontevedra e actual mandatario da Federación Galega de Fútbol tería cobrado sobreprezos do alugueiro dun local a cambio de favores a un concelleiro, tamén militante do PPdeG.
Por Galicia Confidencial | Pontevedra | 10/07/2016 | Actualizada ás 19:00
Un novo auto fiscalía solicita a apertura do xuízo polo caso dos alugueiros propiedade de Rafael Louzán e a súa esposa. O ex-presidente da Deputación de Pontevedra e actual presidente da Federación Galega de Fútbol, percibiu un sobreprezo pagado pola empresa de Severino Regueira, concelleiro conservador en Pazos de Borbén, de acordo ao ministerio fiscal.
Por iso o fiscal solicita ao ex-presidente do PP de Pontevedra un ano de cárcere por un presunto delito de aceptación de suborno.
A marcha de Louzán da Deputación e do liderado do PP de Pontevedra produciuse cando este proceso xudicial xa estaba en marcha. O político sempre defendeu a súa inocencia e a da súa dona, argumentando que os alugueiros cobrábanse ao prezo determinado por unha consultora.
