A balea que visitou as augas de San Cibrao

Membros do  Grupo de Emerxencias Supramunicipal - GES de Cervo, en Lugo, gravaron este martes un exemplar de balea en augas de San Cibrao, fronte ao faro. Trátase dun xibardo (Megaptera novaeangliae), de uns 10 ou 15 metros de longo.

A presenza do animal chamou a atención de mariñeiros, veciños e visitantes e activáronse os protocolos habituais, co aviso á Coordinadora para o Estudo dos Mamíferos Mariños (Cemma) para o seu seguimento.