Por gcdeportes | Lugo | 14/07/2016 | Actualizada ás 11:03
Adeus a Río. O pentacampión mundial Javi Gómez Noya non estará nos vindeiros Xogos Olímpicos por mor da rotura do seu brazo esquerdo tras sufrir unha caída na bicicleta cando adestraba este mércores en Lugo. O triatleta galego será operado este xoves da súa fractura na cabeza do radio.
Gómez Noya, prata nos Xogos de Londres 2012, renunciara as Series Mundiais deste ano e a revalidar o seu título mundial para centrar toda a súa preparación para a cita olímpica do 18 de agosto. O triatleta ferrolán era unha das apostas seguras de Galicia para acadar unha medalla nas olimpiadas de Río.
O ferrolán padece "unha fractura con desprazamento da cabeza do radio" do brazo esquerdo, segundo informou a súa área de comunicación. "É difícil entender como repentinamente vai todo o esforzo e a ilusión que puxen nos Xogos. Pode que sexa o momento máis duro da miña vida deportiva. Pero non me queda máis remedio que asumilo e pensar en ter unha boa e rápida rehabilitación", explicou o cinco veces campión do mundo á Axencia Efe.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.