Por E.P. | SANTIAGO DE COMPOSTELA | 21/07/2016 | Actualizada ás 10:54
A asociación PuntoGal celebra o Día da Patria poñendo a disposición no seu web 'dominio.gal' do "Documento Galego de Identidade (DGI)", que os usuarios poderán "personalizar, descargar e compartir en redes sociais".
Segundo comunicou a asociación nunha nota de prensa, a iniciativa enmárcase dentro do lanzamento da súa nova páxina web e para "resaltar e visibilizar o orgullo de ser galego" de cara á celebración do 25 de xullo.
Co gallo do 25 de xullo a Asociación lanza unha nova promoción para aumentar o número de .gal, que arestora supera os 3.200 segundo datos de NTLDstats. A rebaixa no prezo dos dominios estará vixente entre o 25 de xullo e o 7 de agosto en rexistradores como Dinahosting, única operadora galega acreditada pola ICANN. Os dominios .gal ofreceranse a menos de 20 euros (máis IVE).
Ademais, dentro da nova páxina da asociación PuntoGal poderá atoparse información sobre a entidade, así como historia da creación do dominio galego, os "momentos máis relevantes do proceso" ou unha lista de entidades, asociacións e as primeiras páxinas que empregaron o '.gal'.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.