O Laroucofest clama contra os incendiarios e pide máis concienciación contra os lumes

A II edición do Laroucofest, que tivo lugar en Baltar a segunda semana de xullo, proxectou un vídeo no que Xuventude Concello de Baltar e a Asociación de Mulleres da Raia, coa colaboración de Amigos do Larouco fixeron un chamamento para evitar máis lumes na serra do Larouco.

Así, reclaman máis puntos de recollidas de auga, así como a limpeza dos existentes e máis vixilancia. Pero sobre todo, piden unha maior concienciación social. “Nós temos o deber de protexer a nosa serra e os nosos montes. Somos o piar fundamental e temos que inculcar aos nosos fillos e netos a importancia que ten o monte”, apuntan.

Neste vídeo pódese ver a moitos mozos que denuncian a lacra incendiaria e piden que cese a actividade incendiaria indiscriminada.