SANTIAGO DE COMPOSTELA | 21/07/2016 | Actualizada ás 06:34 por EUROPA PRESS
A xornada deste xoves das Festas do Apóstolo de Santiago de Compostela terá un marcado acento galego, grazas á celebración de dous concertos de formacións galegas que presentou a concelleira de Cultura, Branca Novoneyra.
A edil indicou que un dos obxectivos da programación do apóstolo é que o traballo das bandas galegas se converta "nun espazo identitario das festas, que teñen que mostrar o que fan" tanto aos compostelanos coma aos visitantes.
O primeiro dos concertos previstos para este xoves será na Praza da Quintana ás 22.00 horas, con entrada libre, e contará coa participación de cinco agrupacións galegas, Caxade, Cró!, Familia Caamagno, Malandrómeda e Terbutalina.
Por outra banda, a segunda cita da noite será na Praza do Toural, onde, dentro do ciclo 'Artellando na noite', haberá un concerto de Talabarte, que pechará a súa xira por Galicia en Compostela e mostrará algúns temas do seu novo disco.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.